panneau publicitaire maroc decoupe laser casablanca imprimerie casablanca imprimerie casablanca imprimerie maroc objet publicitaire maroc

قصيدة : “يا خسارة ” فاطمة باصو

“يا خسارة ” يا لمهرس نعاس ليلي ب حلمة الجفا ونا الشارقة شمس ف ليلك ب خيوط لوفا يا لميتم ف زمانا الفرحة يا القاتل ف العشرة النخوة قررت نعريني من كدوبك نسرح سم بين ضلوعك أنا اللي كنت شمعة…اضوي ظلام دروبك شهدة عسلها صافي نتقطر ف جوف حزانك قطرة قطرة…

تحلي ف حلق ايامك مرارة الحگرة وانت ب كلامك المغشوش اعميت عين الشوف وشعلت نيران الخوف يا خسارة على برجي اللي تخمامو طلع نية مللي سرح خاطري معاه وگال قلبك طاح وصاب غطاه؟! ما قدكش ف حر لحزان سكنتك ظلي وخيطت جرحك ب لمخبي من سري گلت تكون ليا عمامة تغطي الراس و نكون ليك مراية يلا تهرست زاجها يلقى عليك الباس؟! ما قدكش على عتبة الروح فرشت ليك النية وغطيتك ب رموشي مللي ب سرارك كنت ليا تبوح؟! يمكن واد طبعك غدار ولى قلب هوايا م عرفش يختار وملي غدرك ف دواخلي دوا القيت هروبي منك ليا دوا وقررت انطيح نجمتي من سماك وانخليك ريح ملاوطة تابع هواك ياللي تبدل ف النسا بجوج حروف بزاف عليك مزال اضوي ب قنديلي حيت ف روح هد الكسدة طلعت نعجة ماشي خروف.

مجنونة الحرف والركح : من وحي ذكرى 27/8/2017

اضف رد