أخبار عاجلة:
panneau publicitaire maroc decoupe laser casablanca imprimerie casablanca imprimerie casablanca imprimerie maroc objet publicitaire maroc

الدنيا الواعرة / خاطرة رين مالكة أغريري

للشعر أبواب تفتح على الذاكرة، كل باب يفتح آخر كمحاولة للوصول إلى معنى. ورغم عبثية المحاولة أحيانًا، قد تصادف المعنى في الطريق.

قصيدة في الشعر الزجلي ، للشاعرة المغربية رين مالكة اغريري

 درت دورة مع رأسي

وتساريت فعماق نفاسي

ولقيت رأسي ……

لقيت رأسي ريشة

فمهب الريح طايشة

تكلب فيها لرياح ما تخليها تتهنا ما ترتاح .

على كل جنب شوية بالسيف عليها حاضرة

شايفة بعيون دموعها مدمية .

تصدمني مع صخرة ،

مع حجرة

ومرات كثيرة نلقى رأسي فدردوبة

غارقة طايحة ، مجلية .

لوحيني يادنيا لوحيني ،

لوحيني…… لوحيني ماعندي قدرة عليك
دوريني ،

دوخيني …….عثري رجليا فحفاريك

يسيل ينزف دم ركابيا ولاعاليك…

ولاعاليك غير خليني….

خليني بين أرضك وسماك هايمة تالفة

مبعثرة مشتة وراقيا……

عندي عادي أنا موالفة……قهريني ، حطميني ،

صلبيني ، بقنب عدابك شرحيني

ما ترحميني شفت.

شفت وكان باين ليا فعينيك …

كان باين فعينيك يسعدك

ويهنيك صرخاتي بصوت مكثوم

ينين دقاتو فكلبي مضبوطة مواضبة

واش وجودي فهاد الدنيا

كولي ليا كانت غلطة

ولا عيشتي فيها خضرة فوق الطعام زايدة .

فهمني ربي يخليك

اش من عار درت فيك

مال مواجك عالية

معصبة غاضبة عليا هايجة .

فين ما نكول مكاين باس

ندير بحال جميع الناس

نجمع قوتي…

نوقف على جهدي

أومن الصفر نبدأ ثاني عهدي… نلقى فكل مرة

هي نفس الجرة ضربة قوية

تقسم ظهري على ربعة

تقطع حسي حركة وهضرة .

وهنا نطلب منك

مانامر بحق الي سبقونا لقبر

علاش ديما صادة ، مقلقة ،

رافضة عطياني بالضهر ….

قالبة وجهك مني هاربة فيا مسامحة .

جوبيني كولي ليا ؟

امتى يحبس يتوقف تنيايش رصاصك عليا

اغلبتني ، اغلبتني ليك مسلمة ،

معتارفة ، متنازلة خفي وعفي

ياك انت إيه إنت الدنيا القوية الواعرة .

 

اضف رد